Derniers articles

• 

  Kronikenn 127: AVEL HON LENNEGEZH O C’HWEZHAÑ (1)

  Publié dans: Littérature, Kronikennoù Herve Bihan en Trevoù

  Ur rummad kronikennoù nevez. Gantañ e kinnigan ur valeadenn a-dreuz parkoù hon anvioù-lec’h (pe anvioù-lec’hioù !). N’em eus ket c’hoant da ginnig studiadennoù uhel, digomprenus, met skiantel daoust da se. Rak, en dez a herie eo kalz akoursetoc’h ar vrezhonegerien war istor o yezh. Ar pennad kentañ a roan amañ, evel kinnig an danvez, zo tennet diouzh unan kalz hiroc’h am boa embannet en 2019, pennad am eus kemmet ha reizhet un disterañ.

  Lire la suite
• 

  Kronikenn 126: AVEL HON LENNEGEZH O C’HWEZHAÑ (60)

  Publié dans: Littérature, Kronikennoù Herve Bihan en Trevoù

  60vet kronikenn… Tri-ugent kronikenn a garantez evit Gwalarn. Ma fal a oa uvel, evel m’eo uvel danvez ar c’hronikennoù-mañ : rannañ gant an dud ma flijadur o lenn, oc’h adlenn skridoù Gwalarn. Plijadur o lenn. Ya, met ivez, en tu-hont da gement-se, klask kompren petra eo al lennegezh-se hag a ra zo ac’hanomp-ni, brezhonegerezed ha brezhonegerien, bras ha munut, en dez a hiziv. Trugarekaat d’am lennerien, trugarekaat evit o evezhiadennoù, o respontoù, o selloù karantezus. Trugarekaat da Iwan,...

  Lire la suite
• 

  Kronikenn 125: AVEL HON LENNEGEZH O C’HWEZHAÑ (59)

  Publié dans: Littérature, Kronikennoù Herve Bihan en Trevoù

  Roparz Hemon, Guy Étienne, Aldous Huxley, Jim Morrisson ha William Blake (1757-1827), pebezh casting, Salver ! Troellenniñ, mont-dont, amprestañ-prestañ en kaoter virvidik lennegezh republik ar bed, ul lennegezh douget gant sonerezh lañsus The Doors, douget gant mouezh hud Jim Morrisson. The Doors o devoa dimezet lennegezh ha sonerezh rock, blues and so on.

  Lire la suite
• 

  Kronikenn 124: AVEL HON LENNEGEZH O C’HWEZHAÑ (58)

  Publié dans: Littérature, Kronikennoù Herve Bihan en Trevoù

  « Lamm ha stroñs ha lusk ha stirlink an houarnaj hag ar rodoù, leñv ar c’hoadaj, taolioù-skourjez ar gouleier er broioù bras dianav evel un aveler o tigeriñ hag o serriñ en deñvalijenn du dall, dir an div roudenn hent-houarn evel an tonkadur dindanon, hag ar c’housked o tont, o tont, hag o tec’hout bepred gant c’hwezh ar peg hag ar blev, heug ha doñjer ha pep nervenn antellet betek regiñ, hag ar gleuzeur-seen trepas, didruez em lagad. Beaj-noz : anhun. »

  Lire la suite
• 

  Kronikenn 123: AVEL HON LENNEGEZH O C’HWEZHAÑ (57)

  Publié dans: Littérature, Kronikennoù Herve Bihan en Trevoù

  Me gav din em boa skrivet kement-mañ c’hoazh : ur wezhig bennaket e vo mat dimp klask goût petra oa levraoueg skrivagnerien Gwalarn. Aet an amzer hebiou, aet ar reuz ivez, lod levraouegoù preizhet divezh zoken… Ne vern, rak a-dreuz o skridoù… Nann, nann ! A-dreuz awen o skridoù kentoc’h, e c’hallomp lakaat muzul d’o anaoudegezh eus lennegezh ar bed. O c’hounnar o lakae da lenn, da adlenn, da zeskiñ dre’n eñvor oberennoù a oa skrivet en yezhoù na oant ket o hini. Spagnoleg, saozneg, alamaneg,...

  Lire la suite
• 

  Kronikenn 122: AVEL HON LENNEGEZH O C’HWEZHAÑ (56)

  Publié dans: Littérature, Kronikennoù Herve Bihan en Trevoù

  Explicit. Excipit, eme lod, evel heklev d’an Incipit. Treiñ ar bajenn, klozañ al levr. Parañ hon selloù war-du un dremmwel n’eus nemet pep hini ac’hanomp o c’hoût war-du pelec’h emañ o skeiñ. Explicit liber eme ar venec’h wezhall, eme ar gopierien feal.. pe amfeal, ne vern, pan oant oc’h echuiñ o skridoù. Hon Loeiz, Loeiz Pelleter, Dom Loeiz mar plij, deuet eus broioù kaeek ar Mañs dindan an aezhenn o plavañ war glannoù al Liger ha kavet gwelloc’h repuiñ en ur penn ar bed bennaket, en devoa...

  Lire la suite
• 

  Kronikenn 121: AVEL HON LENNEGEZH O C’HWEZHAÑ (55)

  Publié dans: Littérature, Kronikennoù Herve Bihan en Trevoù

  Gwalarn, lec’h ma timez hon lennegezh vrezhoneg gant he stummoù liesseurt. Moarvat eo ar varzhoniezh an elfenn bennañ. An danevelliñ en devoa e lec’h ivez. Met, ken skoet ma oa bet gwalarniz yaouank gant an dister ma oa ar varzhoniezh kent o donedigezh… Ken emskiantek all ma oant o welet er varzhoniezh banniel kentañ hon lennegezh : marteze, en un doare diemskiant ha c’hoazh n’eo ket ken sur a se, e welent sklaer eo ar varzhoniezh hag a chom pan varv pep tra. Ar varzhoniezh a dreuz an...

  Lire la suite
• 

  Kronikenn 120: AVEL HON LENNEGEZH O C’HWEZHAÑ (54)

  Publié dans: Littérature, Kronikennoù Herve Bihan en Trevoù

  « Ma’z eo bet unton hol lennegezh dre ar stumm, ez eo bet ken unton all dre an awen. Ul lennegezh a relijion ez eo, evel n’eus hini all ebet marteze er bed a-bezh : en aridennad hir-spontus a werzennoù mat pe fall a zo bet legadet deomp gant hor misterourien ha kantikerien a bep eskopti e klaskfed en aner dek poz awenet gant kened ar maezioù, kan al laboused, pe ur soñj lik all bennak dizañjer a seurt-se. En enep : zoken pa fell d’ar barzh komz eus joa an natur, ne gavo keñveriadur nemet gant...

  Lire la suite
• 

  Kronikenn 119

  Publié dans: Littérature, Kronikennoù Herve Bihan en Trevoù

  Er sizhun all ec’h ae kuit trumm ur mignon bras d’ar vugale ha d’o yezh. Loic Corlouer a oa emellet da vat en digoradur skol Diwan Landreger, unan eus e hunvreoù evel ma oa unan eus hunvreoù meur a Dregeriad all ivez. Un hunvre a-stroll. Loic zo aet kuit trumm, eñ hag a ouie mat pegen pouezus eo kemer perzh en obererezh ar yezh. E oa ezel oberiant eus Roc’h Diwan. Gant sikour Roc’h Diwan an hini eo e oa bet tu da zigeriñ ar skol. En dibenn-sizhun-mañ e oa bet dalc’het KêrArzoù kentañ : ur...

  Lire la suite
• 

  Kronikenn 118: AVEL HON LENNEGEZH O C’HWEZHAÑ (53)

  Publié dans: Littérature, Kronikennoù Herve Bihan en Trevoù

  Rozenn Ronsard troet kaer gant Frañsez Vallée. Ur Rozenn all gant ur barzh dianav. Sed aze rozennoù hag a ra vad dimp. N’int ket rozennoù ar preder, tamm pe nebeut. Nemet war an amzer o vont, o vont, hep na c’hallfemp ober seurt. Rozennoù frondus en ul liorzh tost d’hon c’halon. Liv, frond ha kened a viromp diouzh ar rozennoù. Unan zo tost d’am c’halon. Degas a ra soñj din eus un amzer bet, met bet gant unan ha n’eo ket me. Ma mamm-gozh Trogeri a lâran. Anna, distagit añnañ mar plij !

  Lire la suite