Embannet e:"2025"

• 

  Kronikenn 52: GWIN PERSON KOADASKORN

  Embannet: Lennegezh, Kronikennoù Herve Bihan en Trevoù

  En dez all e oan o klask lakaat urzh en un toullad levrioù, kazetennoù ha paperoù peñseet en stumm ur berniad brall-divrall en penn all ma levraoueg, salokras. Ha lakaat urzh n’eo ket klenkañ, ha klenkañ n’eo ket  renkañ. Sebezh o kavout ul levr bennak na oan ket o c’hortoz gwelet anezhañ. Ma, hennezh zo ganin ? Ankouaat a reer. Ha chom da dreiñ anezhañ, biz ouzh teod d’e c’hlebiañ hag ar memes biz ouzh korn ar pajennoù dianav d’o dreiñ aezet. Pajennadoù o kinnig sebedennoù pinvik.

  Lenn hiroc'h
• 

  Kronikenn 51: EMGANN AR C’HIG-SALL, AN AMANN HAG AR FOURMAJ !

  Embannet: Lennegezh, Kronikennoù Herve Bihan en Trevoù

  « Marzhus, koulskoude, e oa ar peniti ma oa ennañ. Da lâret eo, seizh gwezh ugent kant bazh lugernus paramantet gant kig-sall kozh hag en beg pep bazh ar memes tra en lec’h flemmoù. Da lâret eo, bezañ e oa bloneg fritet, un teuzer, diwar un hoc’h graet skruitur vat gantañ, kement-se da vezañ pare da lañsañ an emgann a-enep Meuriadoù an Amann hag ar Fourmaj, a oa staliet war c’hlann al Lenn Laezh-Livrizh, o vrezeliañ a-enep ar Mezeg-Sorser. Bezañ e oa ur gael soav, ma oa he fotailh graet gant...

  Lenn hiroc'h
• 

  Kronikenn 50: LOUZOÙ HUD ! HUD AL LOUZOÙ !

  Embannet: Lennegezh, Kronikennoù Herve Bihan en Trevoù

  « Neb a dastum noz Gouel Yann louzoù, ha traoù all o lâret orezonoù, pe konjurasionoù, ne vern petore reoù, evit ober ur pec’hed bennak pe ober tra all a bec’h marvelamant. Ivez neb a glask en noz-se an aourc’heotenn, ha had raden a bec’h marvelamant, hac a zo trompet bras gant an Diaoul a ro dezhe an dra -se da grediñ, na dleer ket o absolvañ ma ne fell ket dezhe leskiñ en prezañs ar C’hofesour al levrioù ha skridoù a gelenn an dra-se. »

  Lenn hiroc'h
• 

  Kronikenn 49: MOUEZH UR VAOUEZ, MOUEZH UR VARZHEZ

  Embannet: Lennegezh, Kronikennoù Herve Bihan en Trevoù

  Mouezhioù brezhoneg o sevel. Mouezhioù brezhoneg merc’hed o sevel. En o zouez zo unan na c’haller dizioueriñ. Hini Nolwenn Korbell. Ur vouezh hag he deus kemeret intrudu da gomz evidomp-holl... merc’hed ha... paotred.

  Lenn hiroc'h
• 

  Kronikenn 48 BEVAÑ ER GERVEUR EN 1911

  Embannet: Lennegezh, Kronikennoù Herve Bihan en Trevoù

  Fleurenn, Pechar, Koantig, Ruañ (abalamour d’he liv), ar Vuoc’h Du, Bretonne, Rozet (Rosette er skrid), d’ar c’houlz-se, a oa priñsezed doujet ha karet ar c’hraou saout er Gêrveur, entre bourk Trogeri hag aot ar Yeodi, nepell diouzh Santez-Anna. Ne vêr ket pell diouzh maner brudet Gêrañdraou, maner koshañ ar vro, hervez kont. E vêr en Treger Vihan, entre Yeodi ha Trev, tost da Bouldouran... ha nepell diouzh ar Roc’h ! Kerroc’h da lârezh Roc’hiz !

  Lenn hiroc'h
• 

  Kronikenn 47: TRI PE NAV HA MARTEZE SEIZH EVIT DONT DA WAZ !

  Embannet: Lennegezh, Kronikennoù Herve Bihan en Trevoù

  Tonnoù, gwagennoù, houlennoù, tarzhoù, goafoù, koummoù ha moarvat koleoù, bernioù, rolladennoù, taolioù pe washoc’h ! Pinvidik-mor...

  Lenn hiroc'h
• 

  Kronikenn 46: TUD MAT HO PATER LEUERET O TREMEN PLOEBERZ AN BERZET !

  Embannet: Lennegezh, Kronikennoù Herve Bihan en Trevoù

  Entre 1555 ha 1575 zo bet kizellet un enskrivadur brezhoneg en diavaez da vered Ploubêr ha se gant lizherenn gotek stummet kaer. Un enskrivadur war vein a c’haller lenn herie an dez hep lakaat lunedoù war beg e fri, nemet e vije berr-berr e weled !

  Lenn hiroc'h
• 

  Kronikenn 45: REIÑ ANVIOÙ D’AN DUD, SAKREAL, KANAÑ POUILH HA KUNUJENNIÑ

  Embannet: Lennegezh, Kronikennoù Herve Bihan en Trevoù

  Tri mil boulc’hurun ! Morlaeron Meurlarjez ! Pennoù-chatal ! Morbreizherien gwelien ! Tri mil boulc’hurun an tri mil diaoul ruz kornek ha lostek ! Bajaneg ! Beulke ! Anduilhenn ! Azen kornek ! Babouzeg ! Laer-e-voued ! Istrogell ! Buzore ! Kampinod ! Lochore ! Genaoueg ! Lonk-e-sizhun ! Troc’her-buzhug ! Penton ! Krener ! Tudaj ! Marmouzien ! Frioù-mic’hi ! Seier-laou ! Lamponed vil ! Viltañsoù ! Tri mil luc’hedenn gamm ! Beulkeed-touet ! Labaskenned ! Boulzouble ! Fri-lous ! Pav-kaol !...

  Lenn hiroc'h
• 

  Kronikenn 44: ENE LAOUEN GWIN AN AVALOÙ

  Embannet: Lennegezh, Kronikennoù Herve Bihan en Trevoù

  Hir-hir e vefe kontañ hag adkontañ an istor karantez zo etre ar sistr (ar chistr, ar jistr, ar jist’, hag ar sit memes) hag ar Vretoned. O stomog eo un afer all !

  Lenn hiroc'h
• 

  Kronikenn 43: KEMENN HA KEMENT ZO !

  Embannet: Lennegezh, Kronikennoù Herve Bihan en Trevoù

  Kemenn... Pan varve unan bennak... Mont da gemenn ([mõn də djemεn] a veze lâret). D’ar c’houlz-se, ur c’houlz koshoc’h evit hon c’houlz, ne oa ket eus ar pellgomz hezoug, na deus internet ! Ha pan veze bet ret ober gant ar c’hazetennoù e oa ret kaout pasianted an devezhioù embann !

  Lenn hiroc'h