Blog

Cet article est paru dans Al Lanv n°131 - Février 2014. Abonnez-vous!

Ha gellout a ra emsav ar Bonedoù Ruz bezañ, ouzhpenn un nerzh enebiñ, un nerzh sevel ?

Evel m’o deus lavaret ha skrivet an arvesterien aketus abaoe an deroù ez eo bet an ekotaos ar goell en deus lakaet an toaz da c’hwezañ... Abaoe ar penn-kentañ, avat, edomp a-enep an taos direizh-se noazus ouzh armerzh Breizh. E miz C’hwevrer  1999 edon dija e manifestadeg ar Gravelle aozet gant oberourien armerzh Breizh evit sevel hor mouezhioù ouzh ar pezh a anved, da neuze, « taos Borloo ». N’edomp ket o vont da zegemer dindan an tu kleiz ar pezh a oa bet staliet gant an tu dehou ha nac’het ganeomp ! Ma’z eo direizh ul lezenn, pe da vihanañ, mar soñj deomp ez eo noazus ouzh Breizh, ne vern liv politikel ar gouarnamant. Mad Breizh a dremen da gentañ. Setu perak e oamp aet kengred diouzhtu gant FDSEA Penn-ar- Bed ha gant sindikadoù all pell-mat a-raok an darvoudoù grevus c’hoarvezet e Pont-ar-Veuzenn evit klask dispenn ar porched ekotaos etre Kemper ha Brest.
Kerkent ha ma oa bet distrujet porched Gwiklan en hañv tremenet hor boa embannet ez foran edomp a-du gant an oberourien armerzhel war an teuliad-se. War-un-dro ez eus bet dispaket steuñvoù sokial a bouez er c’heleier (Gad, Doux, Marine Harvest...). Amañ, er vro, e Karaez hon eus kroget e-barzh start hag e oa deuet 6OO a dud en emvod kentañ evit klask aozañ ar stourm a-enep. Buan hon eus santet e c’helled strollañ ar stourmoù hag an aozadurioù hag en doare-se eo bet ganet ar stroll « Bevañ, divizout ha labourat e Breizh », dezhañ da c’her-stur emsevel evit an implij, evit Breizh hag evit an hentoù digoust e Breizh. Kejañ ouzh Thierry Merret a zo bet a bouez bras, a-dra-sur, hogen bez’ e oa en-dro d’an daol blenierien micherourien evel Nadine Hourmant a embregerezh Doux, Olivier ar Braz a embregerezh Gad, ha dileuridi a embregerezh Marine Harvest, kenwerzhourien, treuzdougerien, moraerien... berr-ha-berr dileuridi a gevredigezh Breizh ral o c’havout en ur ser, hogen mennet.

N’eo ket neptu dibab ar gerioù, ennañ emañ ar respont d’ho koulenn. Diwar arc’hadurioù rummadoù tud eur deuet d’un arc’hadur politikeloc’h o kadarnaat e fell ivez d’ar stroll divizout er vro ha kaout ar binvioù ensavadurel ret evit klask reiñ lañs da armerzh Breizh. Setu perak ez eo ar ger-stur abaoe an deroù : implij, Breizh ha hentoù digoust. Evel-just eo deuet ar breudoù er c’helaouennoù war dachenn ar rannvroeladur, ar statud ispisial evit Breizh, ar gwir da vezañ disheñvel, adstaliañ an divizoù... o vezañ ma oa kement-se holl dija en hol luganioù hag hon titloù. Gant an Emglev evit Dazont Breizh kinniget gant Jean-Marc Ayrault ez eus bet dalc’het un tammig kont eus hor mennadoù, anat eo, pell emañ Yann diouzh e gazeg avat, ha ret e vo derc’hel da glezeiata er sizhunioù hag er mizioù da zont evit lakaat hor mennozhioù da drec’hiñ en Emglev-se hag, hep ket a var, en doare kentañ eus al lezenn war an digreizennañ. Goulennet ez eus bet ganeomp digant François Hollande dont da Vreizh da vreutaat ha da embann un adlañs nevez evit ar Rannvroeladur, ha bremañ eo bet embannet er gelaouenn Le Monde e c’hellfe dont da Vreizh hep dale. Ne vo ket evit tremen hebiou d’ar gaoz war an danvez ensavadurel re zister en Emglev evit Dazont Breizh, war ar galloudoù nevez goulennet gant Breizhiz, war an arc’hant... Er c’heñver-se e c’hellomp lavarout eta omp tremenet eus ul lankad enebiñ ha traken (ekotaos...) d’ul lankad nevez a sevel ur Vreizh kresket hegalloudoù. Koulskoude e chom kadarn ar c’hreñvlec’h jakobin ha pa emdrofe war an tu mat, ha buanoc’h eget ma kreder, ar speredoù er vro-mañ. Er stourm eo e teu emskiant d’an dud...

Penaos didoueziañ etre ar Bonedoù Ruz ofisiel hag ar re en em servij eus an anv war internet, da skouer ?

Diaes eo mirout ouzh an dud a ober ar pezh a garont war ar genrouedad ha setu perak ez eus bet staliet ganeomp ur skipailh e karg eus ar c’hehentiñ ofisiel war ar rouedadoù en anv ar stroll « Bevañ, divizout ha labourat e Breizh ». Skrivet ez eus bet ganeomp ivez ur garta a zisklêr « ez embannomp talvoudoù araokaat, kenskoazell, kenfiziañs ha denelouriezh. Emaomp a-enep d’ar gasoni ha da nac’hadur an nesañ ». E deroù an emsevel am eus embannet a vouezh uhel ha war ar groaz en holl vedia ar pezh a soñjan eus an FN : « ur poezon e vefe evit Breizh pa’z eo ar Bonedoù Ruz an enep-poezon ». Kloz e seblant bezañ ar gaoz-se. Bepred e vez klasket hor c’hlozañ en ur rummad pe hol louzañ, pa zirenkomp ar galloud staliet pe c’hoazh ar re ne soñjont ket ez eus reizh gant ar bobl ouzh en em aozañ. N’eo ket touellet Breizhiz na Breizhadezed, avat.

Petra ’zo war ar stern gant ar Bonedoù Ruz, bremañ ?

Sevel ar muiañ ar gwellañ a boellgorioù lec’hel dre Vreizh istorel a-bezh. Adkaserioù holldalvoudus e vint pa zeuio ar mare da gregiñ e-barzh. Ret eo en em astenn war Vreizh a-bezh hag evit kement-se ez eus ezhomm eus un tamm aozadur hag un tamm amzer. Emaomp o vont da zerc’hel d’en em gannañ evit al labour, evit Breizh hag evit an hentoù digoust e Breizh. Pedet on bet e Pariz e ministrerezh an difenn gant ar ministr, Jean-Yves le Drian, bet kadoriad kuzul-rannvro Breizh, evit kaozeal eus stad an traoù en hor bro hag eus ar gwellañ doare da zigabestrañ an energiezhioù evit adreiñ lañs da armerzh Breizh. Komzet hon eus kalz a rannvroeladur evel eus unan eus ar binvioù a c’hell adreiñ startijenn (sic) d’hor bro. Breutaet am eus evit ma vo skrivet ur bajennad nevez eus an digreizennadur a-stroll gant nerzhioù bev Breizh. N’eo ket tapet ar maout en a-raok ha ret eo d’an holl chom engouestlet er stourm...

© Al Lanv 2014

Levrioù elektronek / Livres électroniques / Ebooks

Tamm-ha-tamm e vo kavet levrioù elektronek e stumm epub war lec'hienn KaB, dreist-holl adembannadurioù levrioù kozh pe diviet en o stumm paper.

Nevez war katalog an Alarc'h: Amañ ha du-hont gant Per an Intañv. 3€ hepken!

Vous pourrez très bientôt accéder à des livres électroniques au format epub sur le site de KaB, principalement des rééditions de titres épuisés en version papier.

Nouveau chez an Alarc'h : Amañ ha du-hont de Pierre Lintanf. 3€ seulement !

Very soon you will find ebooks in epub format on KaB's website, mostly old or out of print books.

New on an Alarc'h's catalogue: Amañ ha du-hont by Pierre Lintanf. Only 3€!

SKUB-DELIOÙ

Krog int da ’n em ziwiskañ,
Ar gwez-derv.
Emaint o vont da gousket.
Stumm skuizh o devoa
Ur pennad zo,
Ha morlivet o dremmoù.
Bremañ ’wiskont o mantell noz,
An iliav glas paket en-dro d’o c’horf.

.....................

Taolet ’deus o dilhad a-stlabez
En-dro dezho.
Ne reont ken a fed outo,
Rak lakaet ’deus ober reoù nevez
A-benn ma tihunint adarre
En Nevez-Amzer.

.....................

An derv-gwenn avat, ’m eus aon,
Zo gwall divi !
Manet int kousket dilhad ha tout !

Anjela Duval, Meurzh 1962
 

© Kuzul ar Brezhoneg

Kan an Douar

Youenn Kervalan viendra signer son dernier roman, Ar waremm vras, à Guérande, au festival du livre en Bretagne, le dimanche 24 entre 14h et 17h.

http://www.brezhoneg.org/fr/livres/ar-waremm-vras

Les 26 et 27 Octobre 2013

Le festival du livre en Bretagne de Carhaix est une occasion unique de rencontrer nos différents auteurs et traducteurs.

Sur le stand de Kuzul ar Brezhoneg vous pourrez faire dédicacer vos livres par :

Écrivains

Mich Beyer pour Azvent(roman)

Yann Bijer pour Kan ma Bro (poésie)

Yann Fulub Dupuy pour Milendall et Bizied Eva (romans)

Michel Derrien pour Sidney Olcott (essai)

Herve Gouedard pour Paul Sérusier, ul livour e Breizh (roman)

Padrig an Habask pour Ar sailh hag ar bouteg (langue bretonne)

Erwan Hupel pour Yudal (roman)

Youenn Kervalan pour Ar Waremm Vras (roman)

Traducteurs

Kristian Braz pour Distro (théâtre) et A-ziwar logod ha tud (roman/John Steinbeck)

Gérard Cornillet pour Lizher ur vaouez dianavez et Ar c’hoari-echedoù (romans/Stefan Zweig)

Daniel Kernalegenn pour Devet ez vev (témoignage/Souad)

Riwanon Kervella pour David Copperfield (roman/Charles Dickens)

Serj Richard pour An dengasaour (théâtre/Molière)

EN AVANT-PREMIÈRE !!!

Nikolazig e brezhoneg (Le Petit Nicolas de René Goscinny illustré par Jean-Jacques Sempé) traduction Divi Kervella

NOUVEAUTÉS 2013

Mojennoù ar Marv, sélection de textes sur le thème de la mort

Don Kic’hote, de Cervantes

Skignet d’ar Seizh Avel, Xavier de Langlais/Langleiz

Prederouriezh et Keal Doue war-lerc’h Auschwitz, Fañch Kerrain

Mekanoskrid, de Manuel de Pedrolo

Goude J.K., de Vasilis Aleksakis

Groix, mon île, de Ange Yvon

************************

Kuzul ar Brezhoneg

14, Louzaouenn an Hañv

22300 LANNUON

plg : 02 96 48 03 00

www.brezhoneg.org