Kuzul ar Brezhoneg

Bodad aozadurioù sevenadurel brezhonek

Blog

  • Skritell "Gwez ar vro"

    Ouzhpenn al levr « Gwez ar vro » zo bet embannet ivez ur skritell, treset gant Anna Duval-Guennoc (mentoù A2 hag A0).

    A2 (59,4 x 42cm): 10 €

    A0 (118,9 x 84,1 cm): 15 €

    Da gemer e Lannuon.

  • Katalog Nedeleg 2018

    Katalog Nedeleg 2018, Keleier an embann n° 22, zo deuet er-maez: kavet vo ennañ nevezentioù ar bloaz hag un dibab levrioù marc'had-mat.


    Prizioù da dalvezout betek an 31 a viz Genver 2019. Paeamant dre chekenn pe dreuzvankadenn war anv Kuzul ar Brezhoneg. Evit an estrenvro deuit e darempred ganeomp.
     

  • Titouroù diembann e-leizh diwar-benn ar Brezel Bras !

    E meur a geñver e voe Charles Le Goffic — Breizhad kar-e-vro anezhañ — un test eus an dibab eus ar brezel bed kentañ. E Pariz e veze e-pad al lodenn vrasañ eus ar bloaz ha dre-se en doa skoulmet darempredoù gant pennoù bras eus an arme — ar jeneral Ferdinand Foch en o zouez —, gant skrivagnerien, embannerien ha kazetennerien ha gant dilennidi ivez. A-drugarez da se eo e c’hellas dastum ditouroù ha gwelet dielloù a implijas goude-se evit skrivañ e « zeizlevr brezel ». Pa veze e Breizh e kemere perzh er vuhez lec’hel hag e taremprede livourien, arzourien ha pennoù bras eus bed al lennegezh a veze e Perroz-Gireg ha tro-war-dro. Tad ur stourmer e oa ivez, hini ar medisin a vor Jean Le Goffic.
    Ma n’eo ket bet embannet al levr-mañ — daoust m’eo talvoudus evit a sell ouzh brezel 1914-1918 — eo abalamour ma’z eus meneget tud eus kement metoù zo ennañ… ha n’eo ket hepken evit lavaret vad diwar o fenn ! Dav lavaret, avat, ez eo al levr-mañ un dever a vemor ivez, hag an dra-se a rank bezañ graet gant an holl ac’hanomp, pa vo lidet kantvet deiz-ha-bloaz fin ar brezel bras er bloaz-mañ.
    Kaoz a vo eus al levr-mañ, sur ha n’eo ket marteze, pa’z eo dezrevellet ennañ, a zeiz da zeiz, heuliadoù ar brezel war an talbenn ha war vor, e Pariz kerkoulz hag e Treger.
    Ganet e voe Charles Le Goffic d’ar 14 a viz Gouhere 1863 e Lannuon ha mervel a reas er memes kêr, e ti e vab, d’an 12 a viz C’hwevrer 1932. Barzh, skrivagner romantoù, kazetenner ha skridvarnour e oa. Bez’ e voe prezidant Société des gens de lettres ha dilennet e voe en Académie Française e 1930.

    Taol-sell war gazetennoù :

    Le peuple Breton - miz Du 2018

    Prenañ :

    Paeañ enlinen

    pe

    grouc'hemenn dre ar post :

  • Trugarez vras deoc'h holl !

    Echu saloñs al levrioù Karaez hag evel bep bloaz oc’h bet niverus o tont betek hon stand.

    Fellout a ra deomp ho trugarekaat evit ho skoazell hag evit an interest a ziskouezit evit hon levrioù.

    Lavaret a reomp trugarez ivez d’an aozerien rak a-drugarez dezho e c’hall an embannerien en em gavout gant o lennerien en ul lec’h m’eo plijus kenañ an aergelc’h.

    Emichañs en do tro skipailh Kuzul ar Brezhoneg da welet ac’hanoc’h adarre a-benn bloaz. :-)




















     

  • Ar skrivagnerien o sinañ e Karaez



     

    Ar skrivagnerien-mañ a vo o sinañ e saloñs al levrioù e Karaez salon d'ar 27 hag 28 a viz Here 2018:

    Al Lanv :

    Padrig an Habask : pevar levr Tadhg Mac Dhonnagáin (troidigezh) , Prederiadennoù de Jose Maria Arizmendiarrieta (troidigezh), ha Gwez ar vro

    Anna Duval-Guennoc : Gwez ar vro


    Al Liamm :

    Erwan Hupel : Penaos dont da vezañ brezhoneger a-vihanik ? (romant) et Gevred ha skridoù all gant Roparz Hemon (skridoù diembann)

    Jean Le Clerc de la Herverie : Seizh tra da ober (romant)

    Erwan Evenou : Bugale milliget ar baradoz kollet (romant)

    Kristian Braz : An diwaller er segaleg - JD Salinger (troidigezh)

    Jerom Olivry : Ouzh skleur an noz (romant)


    Mouladurioù Hor Yezh :

    Alain Durel : Kan ar Mor-Bihan (haiku)

    Ingrid Audoire / Jean-Marie Seiget : War-zu un islam adsperedelaet (skrid-arnod)


    An Alarc'h :

    Michel le Goffic : Mon carnet de guerre 1914-1919 - Chales le Goffic

    Mich Beyer : An dilastezer (romant)

    Yann fulub Dupuy : Galnys (C'hoariva)

    Alan Martel : Istor ar vatezh ruz (troidigezh)


    Barn ha Skrid :

    Bernez Tangi : Dastumadeg an anaon (barzhonegoù)


    TIR :

    Erwan Hupel : Ribinoù (studiadenn)

    Jo Martin  : Barzhonegoù war an talbenn, poèmes du front - Yann Mari Normand (barzhoniezh)

  • PRIZ DANEVELLOU TI-KER KARAEZ


    Estreget priz ar romant, e vez roet gant kêr Karaez ur priz d'un danevell e brezhoneg : priz danevelloù ti-kêr Karaez. Abaoe 2010 e vez roet ar priz-se, liammet gant Gouel al Levrioù. Ur priz a 1500€ a zo da c'hounit, roet da vare Gouel al Levrioù.

    E 2017 e oa bet aet ar maout gant Herve ar Gall evit e danevell Mont gant an hentoù (Al Liamm)

    Evit kemer perzh, an tiez embann a rank kas danevelloù araok ar 30 a viz Gwengolo dre bostel (restr pdf) da : festivaldulivre@gmail.com

    Restr-stag : reolennoù ar priz.

  • Standoù Kuzul ar Brezhoneg 2018


    27 hag 28 a viz Here / 27 et 28 octobre 2018 : Gouel al levrioù e Karaez / Festival du livre de Carhaix

    11 a viz Du 2018 / 11 novembre 2018 : Saloñs al levrioù Plistin / Salon du livre de Plestin-les-Grèves

    18 a viz Du / 18 novembre 2018 : Saloñs al levrioù Pluguen / Salon du livre jeunesse de Pluguffan

    24 ha 25 a viz. Du 2018 / Samedi 24 et dimanche 25 novembre 2018 :  Ouïr'Lire Livres et musique à Plœuc-L'Hermitage

  • Kendalc'h ketiek etrebroadel 2018

  • Douenwenn, maeronez an amourouzien!

    Lidomp Santez Douenwenn, maeronez an amourouzien, d'ar 25 a viz Genver.
    Kartennoù niverel e stumm .pdf digoust da bellgargañ amañ.

     

     

    Hag anavezout a rit santez Douenwenn, maeronez an amourouzien?
    Tostaat a ra mare gouel sant Valentin, gant ar charre a ya da heul. Ha gouzout a rit ez eus eus un dra damheñvel evit ar Gelted, a vez lidet dreist-holl e Kembre, met a zo (pe a oa betek nevez ’zo) anavezet e Breizh ivez?

    Eno, e Bro-Gembre, eo anavezet dreist-holl gant ar stumm Dwynwenn, met skrivadurioù all a gaver: Dwyn, Donwen, Donwenna, Dunwen, Thenova... Lidet e vez d'ar 25 a viz Genver.
    Bevañ a rae er 5vet kantved hag e oa-hi unan a-douez 24 merc'h ar priñs Brychan Breicheinog. Koant ar bam e oa-hi, hervez kont, ken-kaer hag an heol.
    E karantez e oa-hi gant Maelon, ha hemañ a oa e karantez ganti, ken e oa. Ar pezh a zo, ne felle ket dezhi dimeziñ gantañ. N'eo ket sklaer ar perag. Hervez doareoù an istor he devoa c'hoant da vont da leanez, da seurez, pe e oa kinniget d'ur priñs all gant he zad. Hag ar paourkaezh Maelon, eñ, ne gomprene ket perak, pe ne c'houlenne ket kompren. Doaniet gant prez he muiañ-karet e tec'has homañ rakañ ha mont da guzh en ur c'hoad. En noz, dre he huñvre, e voe desket dezhi gant un ael penaos ober un enep-c'hwistantin da derriñ d'e garantez.
    Ne voe ket heuliet mat a-walc'h, moarvat, ar bozologiezh pa voe kinniget an died da Vaelon rak terriñ a reas kement ha ken bihan d'e vroud en he c'heñver ma voe troet e skorn.
    Pediñ c'hwek a reas Douenwenn neuze da gaout tri mennad: 1. ma vije diskornet Maelon; 2. ma vije disammet kement gwir amourouz diouzh droug ar garantez, pe dre lakaat an div galon da vleuniañ asambles, pe dre derriñ ar gwall garantez gouzañvet gant unan hepken; 3. na vije den ebet o klask dimeziñ ganti. Mont a reas d'en em staliañ en ul lec'h didud-krenn, un enezennig er-maez da Enez-Vôn, Ynys Llanddwyn.
    Diwar-se e teuas santez Douewenn da vezañ maeronez an holl amourouzien. Gouzout a reer evel-se e oa bet ar barzh Dafydd ap Gwilym, er 14vet kantved, o c'houlenn diganti reiñ Morfudd dezhañ, ar plac'h a gare. Gwall hardizh e oa hor paotr pa oa eus Morfudd ur plac'h dimezet dija!
    Brudet-kenañ e oa al lec'h er 16vet kantved ma veze graet pardonioù ha dont a reas da vezañ lec'h pinvidikañ ar c'horn-bro.
    Eno ez eus ur feunteun sakr: Ffynon Dwynwen. Gallout a reer gouzout gwirionez ur garantez en ur deuler bruzun bara enni, ha goude-se ledañ ur mouchouer war c'horre an dour. Mar deu ur silienn bennak da zirenkañ anezhañ ec'h eo mat ar sinad! Aesoc'h zo, ma verv an dour e-keit ha m'emaoc'h war al lec'h ez eo mat ar jeu.
    Pedet e vez ivez evit gwareziñ ha pareañ loened doñv.
    Un diazez pagan a zo moarvat d'an holl draoù-se. Feunteunioù karantez a gaver ivez e Breizh, gant an elfennoù-se: bruzun, sili, pezhioù dilhad... evel e feunteun Sant-Eflamm e Plistin, ha tost-tost eo gouel ar santez-se (25 a viz Genver) da ouel bras ar merc'hed en deiziadur ar Gelted, ar 1añ a viz C'hwevrer. An doueezed eo ivez a oa karget da wareziñ al loened.
    Porthddwyn e Kembre zo dediet dezhi ivez, hag un iliz e Kernev-Veur. E Breizh eo dindan an anv Douinenn, Touin, Touina, Ouin eo anavezet... Enoret e vez e Plouha, Sant-Loup, Pleudihen, da skouer. E Sant-Maloù ivez e oa ur chapel "Sainte-Ouine" (dediet goude da "Saint-Ouen"!) war Enez ar Grand Bé. Ur foar vras a e-pad miz e Sant-Maloù (er bloaz-mañ etre an 18 a viz Genver hag ar 16 a viz C'hwevrer), anvet «Foire de Sainte-Ouine», gwechall e oa brudet evit bezañ ar mare hag al lec'h evit ar yaouankizoù da glask o far.
    Berzh a ra ar gouel-se mui-ouzh-mui e Kembre. Boas e vezer da brofañ bleunioù, chokolad ha loaioù-karantez hollvrudet Kembre da geñver an deiz-se, kalzik a gartennoù a vez kaset ivez. Arabat ankouaat eta ar 25 a viz Genver!

     

     

    © Kuzul ar Brezhoneg

Pajennoù

Subscribe to Blog
trouducru