Pa ya Vallée da veajiñ, n'eo ket d'ober touristelezh, daoust ma oar taolenniñ kaerderioù ar vro, met da gejañ gant an dud a zalc'h bev ar Geltegezh. Souezh ebet m'en em gav e Kembre, e 1911, gant Patrice Pearse, rener emsavadeg Pask 1916 e Dulenn, fuzuilhet evel Prezidant Republik berrbad Iwerzhon. E eñvorennoù ur Brezhonegour a zo mat e-keñver Istor. E-keñver Skridvarnerezh, derc'hel soñj ne oa ket gouest Vallée da skrivañ estreget meuleudi d'ar re a rae gant yezh ar vro.