Kuzul ar Brezhoneg

Bodad aozadurioù sevenadurel brezhonek

Nevezentioù

  • Fulenn

    Skrivet gant: 

    Alep, Belfast, div gêr pell mat an eil diouzh eben, ha koulskoude emeur eno en ur bed a gounnar, a gasoni hag a zisfiziañs, en ur bed a zaeloù saotret gant gwad an dud vunut. Daoust hag en em dennañ a raio Mahomed hag e vab, divroidi deuet da glask repu e hanternoz Iwerzhon, en un endro ken feuls?
    E bed an Orañjisted emañ Donavan en e vleud, gwarezi ha feulster a zo bet e lod a-viskoazh. Darvoudoù kriz a vo pennabeg d’e waleur ha marteze a-walc’h d’e zasorc’hidigezh.
    Daoust ha tapet ha brevet e vo Alanna O’Neill, plac’h ar Gaeltacht, stourmerez evit yezh ha sevenadur he bro, en antelloù stignet war he hent?

    Gant kalz mestroni hag ampartiz eo deuet a-benn Yann-Charlez Kaodal da gas al lenner en un endro spouronus alies mat, ur bed ma kejer gant tud a rank mont da-heul o zonkadur kousto pe gousto. Ur bed ma ’z eus un tamm spi da gaout memes tra abalamour da youl lod eus an dud da zegas un tamm peoc’h, levenez ha skoazell d’ar re bet gwallgaset gant ur reuz-buhez kriz.

    Ti-embann: 
    ISBN: 
    978-2-7368-0160-1
    Bloaz: 
    2022
    Niver a bajennoù: 
    188
    Ment: 
    13x20
    Skignet gant: 
    Coop Breizh
    Yezh(où) ar produ: 
    Danvez: 
    12,00 €
  • Al Lanv

    Niverenn: 
    162
    Gwengolo 2022
    Diverrañ: 

    An animism – Aline Gleoneg
    Dielloù evit an Istor (5). Breizh-Euskadi  : darempredoù risklus  ! – Charlie Grall
    Renkadur yezhoù ar bed – azasaet gant Padrig an Habask
    Sorserezh – Yann-Bêr Kemener
    Azoniad ar gevell kollet – Paol ar Meur
    Goulennoù ouzh Marine Lavigne (Alvan & Ahez) – Al Lanv
    Kan-hep-diskan – Youenn Kervalan
    Paolig ar pulluc’her – Youenn Kervalan
    Tan er baradoz – Youenn Kervalan
    Piv e oa hennezh  ? – Youenn Kervalan
    Enough – Youenn Kervalan
    Dudi Job – al Lanv
    Keleier an embann – Alan Botrel
    Kentañ barzhoneg Roparz-Loeiz Hemon – Bernez Rouz
    Na Doue na mestr – Fulup Lannuzel
    E korn ur stalenn (17) : Porteledigoù anevaled (2/2) – Daniel Doujet
    Kan en abardaez-noz – Youenn Kervalan
    Barzhoneg Dogon – Jacques-Yves Mouton
    Ar glav – Jacques-Yves Mouton
    Ar c’hrogad – Jacques-Yves Mouton
    Skrivomp englenioù – Padrig an Habask & Iwan Gwegan

     

    Ti-embann: 
    Priz: 
    Al Lanv : Le numéro: 8 € + 1,50 € de frais de port
    9,50 €
  • Míp ha Blipig

    Skrivet gant: 
    Tresadennoù gant: 

    Míp, war ar blanedenn Veurzh, a drid he c’halon pa resev ur prof deiz-ha-bloaz dic’hortoz a-berzh ar skiantourien war an Douar. Blipig eo anvet he frof — ur robot nij bihan bitik, moutik, skedus ha speredek — ur mignon evit Míp a zo bet ouzhpenn bloaz hec’h-unan war ar blanedenn Veurzh. Perak, neuze, eo ken digalonekaet Míp pa zegouezh ur mignon nevez ?

    Ti-embann: 
    ISBN: 
    978-2-916745-47-3
    Bloaz: 
    2022
    Niver a bajennoù: 
    32
    Ment: 
    28x22
    Skignet gant: 
    Coop Breizh
    Yezh(où) ar produ: 
    13,00 €
  • EN AMZER VRAS

    Skrivet gant: 
    Tresadennoù gant: 

    Sadorn vintin ! Nag a blijadur en do Lanig o c'hellout chom gourvezet war ar sofa o sellout ouzh tresadennoù bev en tele. Mammig, avat, n'eo ket a-du tamm ebet !

    Goude ober penn fall un tamm eo aet Lanig gant e vamm hag e c'hoar d'ober un droiad en amzer vras. Hag a-benn ar fin n'eo ket bet ken displijus-se hag eo echuet mat !

     

    Ti-embann: 
    ISBN: 
    978-2-916745-48-0
    Bloaz: 
    2022
    Niver a bajennoù: 
    32
    Ment: 
    28x22
    Skignet gant: 
    Coop Breizh
    Yezh(où) ar produ: 
    13,00 €
  • Jarl Priel

    Skrivet gant: 

    Jarl Priel (1885-1965) a oa anv-pluenn Charles Tremel, Tregeriad eus Priel, e-kichen Landreger.
    E eñvorennoù bet embannet un toullad bloavezhioù zo, Va zammig buhez (1954 & 1975), Va buhez e Rusia (1955) hag Amañ hag ahont (1957) a zo strollet evit ar wech kentañ en ul levr.
    En e skridoù dibar e kont gant fent ha teneridigezh e vugaleaj hag e vuhez skoliad e Landreger. Paotr-e-vil-vicher eo bet ivez; martolod ha soner war un dro, kelenner galleg e Rusia, troour evit an arme, komedian ha sekretour e bed ar c’hoariva e Pariz, skrivagner ha saver pezhioù-teatr e brezhoneg hag e galleg. E meur a vro en devoa bevet ivez, Aljeria, Polonia…
    Buhez ur gwir globe-trotter : evel-se, en teir levrenn en unan, e reer anaoudegezh gant testeni prizius un den en e amzer, unan hag a gont dimp darvoùdoùigoù ha fedoù c’hoarvezet en Europa a-raok ar brezel-bed diwezhañ ha darn anezho nebeut anavezet betek-henn. Ha kement-mañ en ur yezh yac’h, gwevn, leun a fent, pinvidik, aes da lenn.
    Jarl Priel a zo unan eus skrivagnerien glasel al lennegezh vrezhonek.

    Ti-embann: 
    ISBN: 
    978-2-38190-021-6
    Bloaz: 
    2022
    Niver a bajennoù: 
    564
    Ment: 
    14,5 x 20,5 cm
    Skignet gant: 
    Kuzul ar brezhoneg
    Yezh(où) ar produ: 

    Dibaboù doare kas

    Tarif: 
    20€ + 7€ de frais de port
    27,00 €
  • Al Liamm

    Niverenn: 
    453
    Gouere-Eost 2022
    Diverrañ: 

    An dour, un teñzor lennegel, gant Annaig KERVELLA

    KENSTRIVADEG
    Bec’h d'ar pluennoù !, gant Ti ar Vro Kemper
    Ar poull-neuial, gant Gwenvred LATIMIER-KERVELLA
    Feunteun ar burzhudoù, gant Jean Le CLERC de la HERVERIE
    An eil elfenn, gant Tangi LEGÂVRE

    AN DOUR EL LIAMM
    Gwazhig, gant Ronan HUON
    Aze an dour a oa sklaer ha klouar, gant Sten KIDNA
    Bugel ar glav, gant MAI-EWEN
    Toull an dour, gant Tudual AUDIC
    Kof ar mor, gant Milio LATIMIER-KERVELLA
    Tud en dour, gant Joël DONNART
    Ar skluzioù, gant Ronan HUON

     

    Ti-embann: 
    Priz: 
    Le numéro: 7€ + 1,50 € de frais de port.
    8,50 €
  • Geriadur brezhoneg-alamaneg hag alamaneg-brezhoneg Bretonisch-deutsches und deutsch-bretonisches wörterbuch

    Skrivet gant: 

    Er geriadur-mañ e kavor:
    - ouzhpenn 36 000 pennger gant troioùlavar ha krennlavarioù
    - treuzskrivadur fonetek evit ar brezhoneg hag an alamaneg;
    - taolenn ar verboùag an araogennoùvit ar brezhoneg.

    Dieses Wörterbuch beinhaltet:
    - über 36 000 Stichwörter mit Redewendungen und Sprichwörtern;
    - phonetische Angaben zur Aussprache der bretonischen bzw. deutschen Stichwörter;
    - Tabellen zur Erläuterung der Deklinationen von bretoni- schen Grundpräpositionen sowie Konjugations-tabellen.

    ISBN: 
    978-2-86863-205-0
    Bloaz: 
    2022
    Niver a bajennoù: 
    1 168
    Ment: 
    10.5 x 14.8 cm
    Skignet gant: 
    Coop Breizh
    Yezh(où) ar produ: 

    Dibaboù doare kas

    Tarif: 
    22€ + 6€ de frais de port
    28,00 €
  • Renabl peuzhollek an netraigoù

    Skrivet gant: 

    « An notennoù a gavor el levr-mañ a zo bet savet gant un den anvet Herry Goulard. Anavezet em eus anezhañ – ken un tammig bihan avat. Sed penaos em boa graet anaoudegezh gantañ : e-pad un dek vloaz bennak en deus bet graet, amañ, e Sant-Brieg, war-dro ur strolladig tud war an oad hag a glaske adperc’hennañ ar yezh a oa bet hini o bloavezhioù kentañ, ur yezh hag a oa bet peuzankounac’haet gant lod anezho.
    Pa varvas, e verc’h a deuas da’m gwelet. Kavet he doa, e-touesk paperioù he zad, un teul, ennañ notennoù bet savet e brezhoneg. War golo an doug-dielloù e oa dastumet an notennoù ennañ, en doa skrivet Herry un titl e lizherennoù tev : Renabl peuzhollek an netraigoù. »

    Herve Gouedard

    Ti-embann: 
    ISBN: 
    978-2-7368-0159-5
    Bloaz: 
    2022
    Niver a bajennoù: 
    238
    Ment: 
    13x20
    Skignet gant: 
    Coop Breizh
    Yezh(où) ar produ: 
    12,00 €
  • Al Lanv

    Niverenn: 
    161
    Even 2022
    Diverrañ: 

    Skoilhoù bras war an hent : Hanternoz Iwerzhon goude an dilennadeg – Éamon Ó Ciosáin
    E toull-dor an ifern – Youenn Kervalan
    Boutegad an diaoul – Youenn Kervalan
    Devezh goañv – Youenn Kervalan
    Arabat deviñ ar sorserezed – Aline Gleoneg
    Sorserien ha sorserezed – Paol ar Meur
    E Breizh pe e Korsika. An emrenerezh, an alc’hwez ! – Charlie Grall
    Redadeg 2022, eizhtez war-vourzh ar SKaR – Al Lanv
    Goulennoù ouzh Gael Roblin – Al Lanv
    Ar bleizi a zo distro da Vreizh – Padrig an Habask
    Divezañs – Youenn Kervalan
    Sul Fask – Youenn Kervalan
    Dudi Job – al Lanv
    Ivarh – Magali Baron
    Keleier an embann – Alan Botrel
    Emmanuel Robles – Goulc’han Kervella
    Keraodren – Kristian Braz
    E korn ur stalenn (16) : Porteledigoù anevaled (1/2) – Daniel Doujet
    Ráth Luirc (Charleville) – Kristian Braz
    Boutcha. Klod d’an alouber. C’hwezhañ a ra ar gwalarn. Gortoz a rae anezhi – Jacques-Yves Mouton
    Skrivomp englenioù – Padrig an Habask & Iwan Gwegan

     

    Ti-embann: 
    Priz: 
    Al Lanv : Le numéro: 8 € + 1,50 € de frais de port
    9,50 €
  • Al Liamm

    Niverenn: 
    451
    Meurzh-Ebrel 2022
    Diverrañ: 

    BARZHONEGOÙ
    Ludu ar Merc’her, gant KERVALAN
    Barzhonegañ 2, gant Stefan CARPENTIER
    Hirvoudoù miz Du, gant Fulupig an DU

    DANEVELLOÙ
    Ar vran hag ar valafenn, gant Gael BRIAND    
    Rask, rask, hep e Bask !, gant Dewi SIBERIL
    Moussa, gant Kristian BRAZ

    ISTOR SOKIAL AR BREZHONEG
    Ar brezhoneg er skolioù-meur : tammig-ha-tammig, gant Erwan HUPEL

    TESTENI
    Ar chomadenn skrivañ en tour-tan, gant Loeiza an DUIGOU

    EÑVORENNOÙ
    Beaj Iwerzhon (lodenn 1), gant Vefa de BELLAING (bzhg gant Riwanon KERVELLA)

    HEKLEV SEVENADUREL
    A-dreuz lenn    
    Petra nevez ?    
    Notennoù   

    Ti-embann: 
    Priz: 
    Le numéro: 7€ + 1,50 € de frais de port.
    8,50 €
  • A Liamm

    Niverenn: 
    452
    Mae-Even 2022
    Diverrañ: 

    BARZHONEGOÙ
    Flogig ar pesk, gant Solenn PIRIOU
    Barzhonegañ 3, gant Stefan CARPENTIER
    Na pa glever galv ar Muezzin, gant Paskal TABUTEAU

    DANEVELLOÙ
    Div silabenn, gant Denez BODAT
    Mallozh sant Houarnev, gant Fulup LANNUZEL
    Ar veaj difich, gant MAI-EWEN

    ISTOR SOKIAL AR BREZHONEG
    Bacchus e Breizh, gant Erwan HUPEL

    TESTENI
    Nozvezh, gant Herve POËNS    

    EÑVORENNOÙ
    Beaj Iwerzhon (lodenn 2), gant Vefa de BELAING (bzhg gant Riwanon KERVELLA)

    PREDER
    Preder... Preder..., gant E. O.

    TROIDIGEZH
    Poltred kêr, gant Gerry Mc DONNELL (bzhg gant Kristian BRAZ)

    HEKLEV SEVENADUREL
    A-dreuz lenn    
    Petra nevez ?    
    Notennoù    

     

    Ti-embann: 
    Priz: 
    Le numéro: 7€ + 1,50 € de frais de port.
    8,50 €
  • Koktel ar vuhez 3

    Skrivet gant: 

    Gant trede levr Jil Penneg, setu Koktel ar Vuhez erru e penn an hent.
    Digarez o deus an tudennoù anavezet mat ganeomp, Kevin, Ronan, Julia hag all, d’en em gavout e pizzeria O Sole Mio evel kustum, evit ur prantad marvailh, c’hoarzh ha plijadur.
    War api emañ tasmantoù an amzer-dremenet avat hag istorioù kozh-douar a zifoup trumm, pa vez furchet en ur c’hrignol dilezet hag adkavet lizheroù dianket.
    Deomp ur wech c’hoazh war roudoù Anton, Yann-Bêr pe Bénédicte, tud eveldomp-ni a-benn ar fin.

    Ti-embann: 
    ISBN: 
    978-2-7368-0158-8
    Bloaz: 
    2022
    Niver a bajennoù: 
    92
    Ment: 
    13x20
    Skignet gant: 
    Coop Breizh
    Yezh(où) ar produ: 
    10,00 €
  • Mari Vorgan

    Skrivet gant: 

    Petra zo c’hoarvezet e bourzh an Agenor ? Daoust hag ur respont en do al lenner.ez gant deizlevr ar medisin a vor ? Un deizlevr dalc’het aketus ha skrivet evit e bried Adela.
    Netra asur avat. Ar wirionez war vor a c’hell tapout arlivioù dispis, etre follentez ha poell an den a skiant.
    Morganezed ? Boudoù bev anezho ? Sed ar goulenn silet e spered pep hini hag a vo koulz sklaeraat drezhañ e-unan kuit da dreiñ sot...

    Ti-embann: 
    ISBN: 
    978-2-7368-0123-6
    Bloaz: 
    2022
    Niver a bajennoù: 
    142
    Ment: 
    13x20
    Skignet gant: 
    Coop Breizh
    Yezh(où) ar produ: 
    Danvez: 
    12,00 €
  • Tangwall en Dielldi Istorel

    Skrivet gant: 

    « E teñvalijenn an noz e oa an oabl o rushaat evel pa vije an abardaez. An tangwall, ken kañvaouus hag estlammus, a seblante en em astenn dre ar c’harter a-bezh. »

    Peget eo an tan en Dielldi Istorel. En dizesper emañ Josep Maria Cadafalch, rener an ensavadur, o welet teulioù kozh ha talvoudus bet kollet da viken. Mall warnañ kavout an torfedour e asant kenlabourat war an enklask, a-gevret gant an enseller e karg eus an afer.

     

    Kelenner ha skrivagner eo Josep Gòrriz (ganet e Sabadell e 1956). Skrivet en deus kalz e katalaneg evit ar vugale hag ar re yaouank, gant ar c’hoant da dreuzkas ar yezh hag ar garantez evit al lennegezh. Bet en deus meur a briz evit e oberennoù.

    ISBN: 
    978-2-86863-204-3
    Bloaz: 
    2022
    Niver a bajennoù: 
    86
    Ment: 
    11 x 18
    Skignet gant: 
    Coop Breizh
    Troet gant: 
    Yezh(où) ar produ: 
    8,00 €
  • Kant liorzh kant giz

    Skrivet gant: 

    Lakaat an natur en o liorzh, setu ar pezh a glask kalzik a dud ober. Awenet eo bet al liorzh a-viskoazh gant an endro hag hirio an deiz, c’hoazh, ma’z int stag an eil ouzh egile, e vo kempoell an disoc’h, un temz kreñv dezhañ. Tennañ splet eus un dachenn ha sevel un aergelc’h a-zoare a sent ouzh pennaennoù termenet gant arz al liorzhoù.

    Tuioù a-vil-vern a zo met dibaboù krenn a ranker ober ha heuliañ ul linenn-stur evit ma vefe ur stil o tispakañ.

    Renkañ pep a c’horread etrezo (leton, alezioù, leurenn-diskuizh…), kempouezañ ar stummoù, meskañ al livioù hag ober gant terkadurioù ’zo (mogerioù, drefen, girzhier…), tout an temmoù-se a vez komzet diwar o fenn. Pouezus eo ar plant, gouestlet ez eus ur pennad bras dezho en ur lakaat war-wel spesadoù ’zo, arouezius eus o rummadoù.

    Kalz a skeudennoù eus ar vro hag eus meur a vro all a ziskuilh liested ha dibarded al liorzhoù. Se a roio, marteze, mennozhioù deoc’h. N’eo ket hepken un afer a varregezhioù hag a beadra, tu ’zo da sevel ul liorzh simpl ha kaer o toujañ da reolennoù ’zo.

    Ti-embann: 
    ISBN: 
    978-2-916745-46-6
    Bloaz: 
    2022
    Niver a bajennoù: 
    244
    Ment: 
    12.50 x 18.50
    Skignet gant: 
    Coop Breizh
    Yezh(où) ar produ: 
    Danvez: 
    18,50 €
  • Ar C'havrig spontus

    Skrivet gant: 
    Tresadennoù gant: 

    Ar C'honifl zo bet o pourmen... Pa zegouezh ’tal e zouarenn e klev un drouz iskis enni hag a ra dezhañ aoniñ...

    Kontadenn eus Europa. Evit ar vugale 3-5 vloaz.

    Levr da selaou (evit pellgargañ : klik dehou + enrollañ): 
    Ti-embann: 
    Dastumad: 
    ISBN: 
    979-10-90456-60-0
    Bloaz: 
    2022
    Niver a bajennoù: 
    24
    Ment: 
    23,2 x 21,6
    Skignet gant: 
    Kuzul ar Brezhoneg
    Troet gant: 
    Yezh(où) ar produ: 
    12,00 €
  • Dulenniz e oant

    Skrivet gant: 

    En dastumad danevelloù-mañ e laka war-wel James Joyce (1882-1941) tud Dulenn, ar gêr ma oa ganet.
    Dubliners a voe embannet e 1914, ha kement-mañ goude bezañ marc’hataet gant e embanner, a felle dezhañ sioulaat ar skrid. E deroù an XXvet kantved e oa bepred Iwerzhon dindan beli ar Saozon ha dindan gwask ponner an iliz katolik. Div villigadenn, hervez Joyce, hag a rae eus Iwerzhon ur vro ma veze an holl dindan sezi hag eus Dulenn kêrbenn ar sezi-se.
    Hed-ha-hed ar pemzek danevell, bugale, krennarded, ha tud deuet – ar bobl ma sav James Joyce ar poltred anezhi – a ra anaoudegezh gant an disouezhañ, an dinac’h, ar c’hwervoni. An holl santadoù-se a deu splann en danevell ziwezhañ, “Ar Re Varv”, a gloz an dastumad en ur c’hoda barzhel, leun a hiraezh evit an identelezh iwerzhonat.

    Ti-embann: 
    ISBN: 
    978-2-38190-017-9
    Bloaz: 
    2022
    Niver a bajennoù: 
    288
    Ment: 
    12x19
    Skignet gant: 
    Kuzul ar brezhoneg
    Troet gant: 
    Yezh(où) ar produ: 
    Danvez: 
    14,00 €
  • Hor Yezh

    Niverenn: 
    308
    décembre 2021
    Diverrañ: 

    Herve Bihan – In Memoriam Erwan Vallerie (1944-2022)

    Herve Bihan – Devri, 6 vloaz war-lerc’h

    Erwan Le Pipec – Poelladennoù e brezhoneg Gwened àr-dro 1815

    Herve Bihan – Skridoù nebeut anavezet diwar-benn an Emsav roueelour da vare an Dispac’h e Bro-C’hall

    Dielloù
    Fulup Kadored    Un diell eus 1902

    hor Yezh    Roll ar pennadoù embannet en hor Yezh e 2021 (niv.niv. 305-308)

    Ti-embann: 
    Priz: 
    Le numéro: 8 € + 1,50 € de frais de port.
    9,50 €
  • Al Lanv

    Niverenn: 
    160
    Mars 2022
    Diverrañ: 

    Teñvalded ha sklêrijenn – Youenn Kervalan
    Disklêriadur Jean-Guy Talamoni – Al Lanv
    Txillardegi, ar Roparz Hemon euskarat ! – Charlie Grall
    Raidio na Gaeltachta  : 50 vloaz ar radio stad holliwerzhonek  – Éamon Ó Ciosáin
    Iwerzhoneg yezh ofisiel e Unvaniezh Europa – Padrig an Habask
    Fernand Iveton – Loeiz Gwilhou
    Itron Varia ar Peoc’h. Hurlink ruz ha melen. Evit Sama. Pistri ha dispi – Youenn Kervalan
    Dindan an dudjentil – Aline Gleoneg
    Savboent – Alan Kloareg
    Paul Le Flem – Fulup Lannuzel
    Gwenan ar vro –  Paol ar Meur
    Diouzh red al lezennoù – Iwan Gwegan
    Skrivomp englenioù – Padrig an Habask & Iwan Gwegan
    Kunujenn – Youenn Kervalan
    Tri goulenn ouzh Christian Troadec – Charlie Grall
    Kemennadenn – Unanet evit ar brezhoneg
    Raganv-gour renadenn-dra eeun ar verb hag an araogennoù eus, ouzh, diouzh – Youenn ar Gag
    Dudi Job – al Lanv
    Planchée – Magali Baron
    Daou-ugent vlez dimeziñ – Daniel Doujet
    Ur muntr bihan. An ospital Morvan. Ar morhoc’h gwenn – Jacques-Yves Mouton
    Brenniliz for ever – Youenn Kervalan

    Ti-embann: 
    Priz: 
    Al Lanv : Le numéro: 8 € + 1,50 € de frais de port
    9,50 €
  • An anaforenn vrezhonek

    Skrivet gant: 

    An « anaforenn » a zo kaoz anezhi amañ a chom kevrinus a-wechoù, ha n’eo ket fall teurel ur sell a-dost ouzh un dornad mat a skouerioù kavet en oberennoù a bep seurt pe tapet diwar muzelloù ar vrezhonegerien. Ouzhpenn ar re-se ez eus bet lakaet un dastumadig all a anaforennoù savet evit ar blijadur hag un nebeud poelladennoù.

    Ti-embann: 
    ISBN: 
    979-10-90456-59-4
    Bloaz: 
    2022
    Niver a bajennoù: 
    48
    Ment: 
    14,5 x 20,5 cm
    Skignet gant: 
    Kuzul ar Brezhoneg
    Yezh(où) ar produ: 
    5,00 €
  • Kan ar mel

    Skrivet gant: 

    Zulian zo ur paotrig kentoc’h fall baket e lod a pa za e 1835 da gaeraat douaroù Bod-Marc’h e bro ar segalegi : dall, paour ha divamm. Neoazh eh a e vuhez d’eilpenniñ an deiz ma vo roet dezhoñ, get e dad, ur flipo a brezant.
    Dre ar sonerezh e c’hellay sevel e gein ha degas birvilh ha from e buhez ar re ’rall da-heul.
    Ur veaj tre e diabarzh un den enta, « unan ha ’gleve kan ar gwenen a pa lipa mel, » ur sailh en amzer a-gent ivez, etre daou skrapad “Napoléonville”, d’ar c’houlz ma oa bet digoret get galeourion un erv e kalon ar vro evit leuskel kanol ar Blavezh da gas, dre dreuz ar lannoù, he dour treboulet d’an c’hwez, d’ar gwad ha d’an daeroù

    Ti-embann: 
    ISBN: 
    978-2-7368-0157-1
    Bloaz: 
    2022
    Niver a bajennoù: 
    234
    Ment: 
    13x20
    Yezh(où) ar produ: 
    14,00 €
  • Hervelina Geraouell

    Skrivet gant: 

    Ur plac’h yaouank eus an Arvor eo Hervelina Geraouell, leun a vuhez, kizidik, dizalc’h ha lemm he spered. Emañ war he studi e Roazhon, gant ar soñj mont da gelennerez. Eno e ra anaoudegezh gant Anton Benneg, mab un noter a Sant-Tegoneg. Diwan a ra ur garantez don ha gwirion etre an daou ene yaouank-flamm. Entanet int o-daou gant ar yezh, ar vro, al lennegezh, ha daremprediñ a reont metoù an Emsav evel ma oa er bloavezhioù 1920. Doan hag enkrez a gresk enne avat pa ziskouez kalon Anton bezañ rannet etre e santimantoù ha pouez e familh, a ren ur vuhez strizh ha difaltazi, merket don gant ar relijion hag an hengoun.

    ISBN: 
    978-2-86863-200-5
    Bloaz: 
    2022
    Niver a bajennoù: 
    172
    Ment: 
    14.8x21
    Skignet gant: 
    Coop Breizh
    Yezh(où) ar produ: 
    12,00 €
  • Al Liamm

    Niverenn: 
    450
    Genver - C'hwevrer 2022
    Diverrañ: 

    BARZHONEGOÙ
    Talm, gant Padrig DREAN    
    Barzhonegañ 1, gant Stefan CARPENTIER

    DANEVELLOÙ
    An ezañs hag al lili, gant MAI-EWEN
    An dervenn, gant Iwan KERBELEG
    Planedenn ar vezh, gant Fulupig an DU
    An amourouzien hag ar feunteun vurzhudus, gant Loig KAMPION

    ISTOR SOKIAL AR BREZHONEG
    Ur c’hwezh e oa..., gant Erwan HUPEL

    DIELLOÙ
    K.E.A.V. 1952, gant Riwanon KERVELLA & H.B.

    PREZEGENN
    Roh-Vur, skouer an drouized, ar Vretoned hag an denelour, gant Thierry CHÂTEL

    HEKLEV SEVENADUREL
    A-dreuz lenn
    Petra nevez  ?
    Notennoù
    Roll pennadoù 2021

     

    Ti-embann: 
    Priz: 
    Le numéro: 7€ + 1,50 € de frais de port.
    8,50 €
  • Hor Yezh

    Niverenn: 
    306
    juin-septembre 2021
    Diverrañ: 

    Herve Bihan – Pennad-digeriñ

    Pierre-Yves Kersulec – War roudoù gwerz Loeiz ar Ravalleg [4/4]

    Myriam Guillevic – Treuzkas pe memor ?

    Antoine Châtelier – Ag ar c’heltiek kozh d’an henvrezhoneg e Bro Naoned

    Loik Chapel – Un nebeud traoù lavaret din gwechall gant un den eus Plouenan

    Fulup Lannuzel – Notennoù yezhouriezh (2)

    Herve Bihan – Buhez vrezhoneg Paol-Aorilian gant ar Breur Bernard ar Spered Santel, tennet diouzh e zDoctrinal (1680-1688-1689). Kudennoù bloaziata Ar Veac’h Devot. Ar mouller Nicolas Du Brayet (c.1614-1675)

    Herve Bihan – Dafar evit un antologiezh vrezhoneg eus ar gwerzioù istorel koshañ

    Ti-embann: 
    Priz: 
    Le numéro: 16 € + 1,50 € de frais de port.
    17,50 €
  • Marc'hadour livioù

    Skrivet gant: 

    El levrig-mañ ez eus anv gant Herve Gouedard eus ur Breizhad nebeut anavezet : Julien Tanguy e anv. Ganet e oa bet e Pledran e 1825 ha marvet e Pariz e 1894. Un anarkour gredus ha sioul anezhañ hag a gemeras perzh e emsavadeg ar Gumun e 1871. Toullbac’het e voe e Satory hag e Brest.
    Kavet gantañ labour e Pariz evel braeer livioù e voe mignon bras ha skoazeller ur bern livourien vrudet evel Pissarro, Monet, Renoir, Van Gogh, Toulouse Lautrec...

    Ti-embann: 
    Dastumad: 
    ISBN: 
    978-2-7368-0156-4
    Bloaz: 
    2022
    Niver a bajennoù: 
    68
    Ment: 
    11X18
    Skignet gant: 
    Coop Breizh
    Yezh(où) ar produ: 
    6,00 €
  • Al Lanv

    Niverenn: 
    159
    Kerzu 2021
    Diverrañ: 

    Keleier Iwerzhon – Éamon Ó Ciosáin

    Antoni Gaudi, adeiladour ha dreistweler – Loeiz Gwilhou

    Eva forest o pourmen e Karaez ! – Charlie Grall

    Kenavo Herle ! – a-stroll

    Barzhonegoù – Herle Denez

    Herle Denez – Gwendal Denez

    Bri da Herle / Teyrnged Herle – Dr Rhys ap Delwyn Phillips

    Kenurzhierezh-labourerien-ha-labourerezed-ar-brezhoneg – goulennoù gant Padrig an Habask

    Kilsellad ouzh Gouel al levrioù e Karaez 2021 – Charlie Grall

    Efedoù an neuz – Paol ar Meur

    Diouzh red al lezennoù – Iwan Gwegan

    An emglev-gwerzh, penaos ez a en-dro ? – Iwan Gwegan

    Gourdeizioù Nedeleg – Gireg Konan

    Dudi Job – al Lanv

    Un abadenn sonerezh Breizh digor d’an holl – Magali Baron

    Keleier an embann – Alan Botrel

    Kerzhet a zo mat evit ar yec’hed – Daniel Doujet

    Fromoù eus va bugaleaj – Jacques-Yves Mouton

    Barzhonegoù all – Jacques-Yves Mouton

    Skrivomp englenioù – Iwan Gwegan

    Penaos ober kouez ? – Martial Menard

    Ti-embann: 
    Priz: 
    Al Lanv : Le numéro: 8 € + 1,50 € de frais de port
    9,50 €
  • Al Liamm

    Niverenn: 
    449
    Novembre-Décembre 2021
    Diverrañ: 

    BARZHONEGOÙ
    Kroaz an aod, gant Paskal TABUTEAU
    Mestrez, gant M.A.G.A Kovid, gant Marc’harid THEBAULT
    Kannader an didrouz, gant KERVALAN

    DANEVELLOÙ
    Aotrou Doll, gant Yann-Bêr TILLENON
    War dec’h, gant Jean Le CLERC de la HERVERIE
    Mat ar jeu, gant Karim LAANAYA

    ISTOR SOKIAL AR BREZHONEG
    Ar Vretoned hag ar c’hêrioù bras : istor ur gasoni, gant Erwan HUPEL
    STUDIADENN
    Piv oc’h-c’hwi, Ekaterina Vyacheslavovna Balobanova ?, gant Riwanon KERVELLA

    TROIDIGEZH Garden-party, gant Katherine MANSFIELD (bzhg gant Ronan HUON)

    HEKLEV SEVENADUREL A-dreuz lenn Petra nevez ? Notennoù

     

    Ti-embann: 
    Priz: 
    Le numéro: 7€ + 1,50 € de frais de port.
    8,50 €
  • Le trésor d’Erdeven

    Skrivet gant: 
    Dastumet gant: 

    E 2017 oa bet divizet gant ti-kêr an Ardeven teurel holl paperioù kozh ar presbital. Dielloù dedennus oa bet dizoloet : 481 sarmon bet skrivet gant daou veleg, Mathurin Oliviero ha Pierre-Marie Rival, etre 1880 ha 1930. Al labour bizskrivañ a zo bet fiziet e Ti Douar Alre.

    Ar sarmonioù orin a vez kavet war lec’hienn Ti Douar Alre:

    https://www.tidouaralre.com/stagadenn-%26quot%3Ble-tresor-d-erdeven-tenzor-an-ardeven%26quot%3B-janvier-2022/a455.html

    Ti-embann: 
    ISBN: 
    978-2-917681-57-2
    Bloaz: 
    2021
    Niver a bajennoù: 
    216
    Ment: 
    14.5 x 20.5
    14,00 €
  • Scarmentado ha danevelloù all

    Skrivet gant: 

    4 danevell gant Voltaire da zizoloiñ e brezhoneg: "Cosi-Sancta", "Bababec hag ar fakired", "Istor beajoù Scarmentado skrivet gantañ e-unan" hag "Avantur en Indez". 

    E-kichen « romantoù » brudet Voltaire (Candide, Zadig, L’Ingénu) ez eus ivez danevelloù berr ma tiskleir ar skrivagner e vennozhioù diwar-benn ar frankiz da soñjal hag ar relijion. "Scarmentado" ha "Cosi-Sancta", embannet amañ, zo div eus ar re wellañ.

    Ti-embann: 
    ISBN: 
    979-10-90456-58-7
    Bloaz: 
    2021
    Niver a bajennoù: 
    46
    Skignet gant: 
    Kuzul ar Brezhoneg
    Troet gant: 
    Yezh(où) ar produ: 
    6,00 €
  • Lizig, Priñsezig an dour

    Skrivet gant: 
    Tresadennoù gant: 

    Lizig, ur gorriganez vihan, a zo o chom a-dreuz ur rouantelezh vurzhudus e-lec'h ma klever al logod, ar chignaned hag an tousegi é predeg èl tud. Pinvidik eo neudenn an istor ; puilh ha dic'hortoz eo an darvoudoù skrivet en ur yezh flour ha bev.
    E deroù an ugentvet kantved e oa bet embannet an oberenn-mañ evit ar wezh kentañ. Adlabouret eo bet kement a-fed testenn (reizhskrivadur) hag a-fed skeudennoù. Ur plas frankoc'h 'zo bet roet d'an engravadurioù savet get G. TH. Rotman, ur c'hant bennak etre tout ; livet int bet oc'hpenn da se.
    Kevret get al levr e kavoc'h ur bladenn, ul lennadenn get Daniel Doujet hag Anaig Lucas, heuliet get sonerezh savet get David Le Port hag ur c'haierig get an destenn lakaet e galleg get Daniel Carré.

    https://bzh.tidouaralre.com/lizig-princesse-des-eaux-un-conte-en-breton-de-g.th-rotman-ebrel-2020/a360.html

    Ti-embann: 
    ISBN: 
    978-2-9570496-1-5
    Bloaz: 
    2021
    Niver a bajennoù: 
    120
    Ment: 
    21 x 29,7
    Yezh(où) ar produ: 

    Dibaboù doare kas

    Tarif: 
    18€ + 4.5€ de frais de port
    22,50 €
  • Al Liamm

    Niverenn: 
    448
    Gwengolo-Here 2021
    Diverrañ: 


    BARZHONEGOÙ
    Narayama Blues, gant Yann MEZARVRO
    Emsell, gant Yann gKERAOZERN
    Gorreoù, gant Iwan COUÉE

    DANEVELLOÙ
    1, 2, 3, gant Gwenvred LATIMIER-KERVELLA
    Te ’oar brezhoneg ivez ?, gant Jañ BIGOUILH
    Ankoù goursteredenn, gant Jerom OLIVRY
    Baradoz emit-hu ?, gant Mich BEYER

    E KOUN
    Kenavo Paol, gant Malo BOUËSSEL du BOURG

    ISTOR SOKIAL AR BREZHONEG
    Piv a leñvo d’an durzhunell c’hoazh ?, gant Erwan HUPEL

    STUDIADENN
    Brezhoneg Molenez, gant Fulup LANNUZEL

    HEKLEV SEVENADUREL
    A-dreuz lenn
    Petra nevez ?
    Notennoù

     

    Ti-embann: 
    Priz: 
    Le numéro: 7€ + 1,50 € de frais de port.
    8,50 €
  • Miltamm Breizh (280 tamm)

    Tresadennoù gant: 

    Ur gartenn kaer-eston treset gant Jean-Yves André evit en em dommañ ouzh douaroniezh Breizh ha deskiñ en ur c'hoari.

    Ti-embann: 
    ISBN: 
    9782913652835
    Bloaz: 
    2021
    Ment: 
    48 x 34
    Skignet gant: 
    Coop Breizh
    Yezh(où) ar produ: 
    13,00 €
  • Trouzioù en noz

    Skrivet gant: 
    Tresadennoù gant: 

    Ne c'hell ket kousket Babig Logodenn abalamour d'an holl drouzioù iskis a glev en noz-mañ. Petra zo o c'hwezhañ hag o sutal ? Piv zo o stekiñ ouzh ar prenestr ? Ha daoust hag un tasmant eo zo oc'h huchal "Ou - Ou" ? Aon ruz en deus Babig Logodenn. "Gallout a ran dont ez kwele ?" a c'houlenn Babig Logodenn digant e dad. Gouzout mat a ra Tadig Logodenn eo dav da Vabig Logodenn deskiñ kousket en e wele e-unan hag ober gant ar pezh a ra aon dezhañ...

    Adalek 4 bloaz.

    Ti-embann: 
    ISBN: 
    978-2-913652-82-8
    Bloaz: 
    2021
    Niver a bajennoù: 
    28
    Ment: 
    26,5x23
    Skignet gant: 
    Coop Breizh
    Yezh(où) ar produ: 
    11,00 €
  • Kalsad a-dreuz

    Skrivet gant: 
    Tresadennoù gant: 

    Un istor simpl evit dizoleiñ an diforc'hioù a gaver etre ar vugale en ur c'hlas da skouer...

    "N'eus den na tra hep e si, hag alies en deus daou pe dri !"

    Ti-embann: 
    ISBN: 
    978-2-913652-85-9
    Bloaz: 
    2021
    Niver a bajennoù: 
    24
    Ment: 
    21x21
    Skignet gant: 
    Coop Breizh
    Yezh(où) ar produ: 
    8,00 €
  • Dindan ar bili, an traezh

    Skrivet gant: 

    War e bouezig e ya Youenn gant e vuhez ’kostez Landerne. Ur vicher vat, daou vab, un toullad mignoned. Ha setu eñ, un deiz, e-tal « ar vaouez az poa klevet er radio an deiz all... Ya. Hep mar na marteze... Ha tamm-ha-tamm, hep gouzout dit zoken, e teu he mouezh strobinellus da sorsañ ac’hanout... »
    Setu tapet Youenn er griped hag eñ prest da redek, da lammat, da nijal, da neuial, da hunvreal war-lerc’h Monn-Seu, Montse pe me ’oar-me !
    Konter an istor karantez-mañ, hag eñ tost ouzh al lenner, a gas ac’hanomp war roudoù kalonoù kizidik, bliv ha denel ken-ken.

    Ti-embann: 
    ISBN: 
    978-2-7368-0155-7
    Bloaz: 
    2021
    Niver a bajennoù: 
    286
    Ment: 
    13x20
    Skignet gant: 
    Coop Breizh
    Yezh(où) ar produ: 
    Danvez: 
    14,00 €
  • Ur Rusianez e Breizh er bloavezhioù 1850

    Skrivet gant: 

    El levr-mañ emañ danevell beajoù Ekatarina Balobanova en hon bro. E Breizh e oa bet ar vaouez disaouzan a oa anezhi o foetañ bro gant he c’heniterv Agata war droad, war varc’h ha war vor. Bloavezhioù war-lerc’h e c’hoantaas dezrevell da lennerien Rusian an amzer-se hec’h avanturioù en ur ober un depegn eus maezioù, kêrioù, pardonioù, dañsoù hag aergelc’h ar vro. En he danevell e sil meur a gontadenn bet dastumet ganti dre ma oa o vale bro hag e ro kalz a blas da Varivon, ur vaouez kozh a oa o vevañ nepell eus ti he eontr. Ganti e oa bet broudet da weladenniñ ar vro hag e oa bet sikouret da intent kredennoù ha mod da vevañ ar Vretoned. Souezhet e vezer, 150 bloaz war-lerc’h, eus sell Ekaterina war hon bro. Daoust ma n’eo ket atav gwirheñvel ar pezh a embann e tesker kalz diwar-benn an dud, an Nedeleg, ar chapelioù hag ar beredoù, tantad Sant-Yann… Un testeni talvoudus ez-istorel eo he hini, ha plijus da lenn war ar marc’had, pa ne vefe nemet evit he fent hag he spered lemm.


    Ekaterina Balobanova (1847-1927) a voe en he amzer ar Rusianez nemeti a oa arbennik war al lennegezh keltek. Unan eus he moerebed a oa o chom e Breizh pa a oa dimezet gant ur c’hont a vro Dreger; gant se he devoe Ekatarina tro da chom e Breizh ha da redek bro gant he c’heniterv Agata. Diarc’hant en em gavas goude marv he zad e 1864 hag e teuas da chom e Treger betek 1867.

    Ti-embann: 
    ISBN: 
    978-2-38190-013-1
    Bloaz: 
    2021
    Niver a bajennoù: 
    124
    Ment: 
    14,5 x 20,5 cm
    Troet gant: 
    Yezh(où) ar produ: 
    11,00 €
  • Ar Berlezenn

    Skrivet gant: 

    Gant ampartiz e lakaas Kino e gontell da riklañ e-barzh kostez ar grogenn. A-dreuz ar gontell e sante ar gigenn o startaat mort. Evel ul loc’henn e c’hoarias al lavnenn, terriñ a reas ar gigenn, hag ar grogenn a zigoras. Gweañ a reas ar c’hig heñvel ouzh ur vuzell ha goude e tistanas. Kino a savas ar c’hig, hag aze e oa, ar berlezenn veur, disi evel al loar. Tapout a rae ar gouloù ha purat a rae anezhañ, ha disteuler a rae anezhañ en ur gannded arc’hantet. Ken bras ha vi ur gouelan e oa. Perlezenn vrasañ ar bed e oa.

    ISBN: 
    978-2-86863-202-9
    Bloaz: 
    2021
    Niver a bajennoù: 
    128
    Ment: 
    11 x 18
    Skignet gant: 
    Coop Breizh
    Troet gant: 
    Yezh(où) ar produ: 
    Danvez: 
    10,00 €
  • Morlenn

    Skrivet gant: 

    Labour, hunvreoù, karantezioù... treiñ a ra bravik e dammig buhez gant Anton... betek d’ar brezel lakaat e vedig-bed da horjellat. Ugent vloaz eo pa grog ar bombezadegoù da zrastañ Brest. Gant ar rekizadur taolet war an dud yaouank e vo ranket dezhañ mont da skoachañ war ar maez gant e geneil Julian. Pa zistroio da Vrest, e dibenn ar brezel, en em gavo sanket e spouron ar seziz. En em dennañ salv a raio eus an ifern-se, doaniet-don avat en e askre. Ha deuet ar peoc’h en-dro e tistro Brestiz d’o c’hêr tamm-ha-tamm met Anton ne gav ket e blas ken eno. Kuitaat Breizh eo a raio-eñ ha mont da glask e chañs da bellvro. Abeg gwirion e zivroañ avat n’eo ket an hini a grede da lod e oa.

    Daou-ugent vloaz war-lerc’h e konto Anton e istor d’ur studier yaouank deuet d’e enrollañ. Marevezh deroù ar radioioù dieub e oa…

    Ti-embann: 
    ISBN: 
    978-2-38190-014-8
    Bloaz: 
    2021
    Niver a bajennoù: 
    328
    Ment: 
    12x19
    Yezh(où) ar produ: 
    Danvez: 
    13,00 €
  • Fahrenheit 451

    Skrivet gant: 

    Labour paotr an tan, Montag, a zo deviñ levrioù, en ur gevredigezh he deus disfiz dioute, gant aon na vroudfent an dud da brederiañ. Gwreg Montag a dremen hec’h holl amzer o sellet ouzh ar skinwel hag o c’houlenn digant he gwaz labourat muioc’h.
    Un amezegez yaouank, Clarisse, er c’hontrol, a zo dedennet-bras gant ar pezh a gaver el levrioù ha gant ar bed gwirion tro-dro dezhi.
    Pa’z a Clarisse diwar wel un deiz en un doare kevrinus e kemm emzalc’h Montag hag e krog da guzhat levrioù en e di. Diskuliet gant e wreg ha gant aon da vezañ toullbac’het e tec’h. Mont a ra davet tud ouiziek maez a lezenn, a zesk levrioù dre ’n eñvor, da c’hortoz distro ur gevredigezh a gompreno talvoudegezh ar skridoù.

     

    Ti-embann: 
    ISBN: 
    978-2-38190-016-2
    Bloaz: 
    2021
    Niver a bajennoù: 
    238
    Ment: 
    12x19
    Troet gant: 
    Yezh(où) ar produ: 
    11,00 €
  • Gwenneien an aotrou Skouarneg

    Skrivet gant: 
    Tresadennoù gant: 

    « Truez, ho pet truez ouzhin-me! Prestit din-me, me ho ped, ul liard da brenañ boued! »

    Evit ar vugale etre 5 hag 8 vloaz.

    Levr da selaou (evit pellgargañ : klik dehou + enrollañ): 
    Ti-embann: 
    ISBN: 
    979-10-90456-57-0
    Bloaz: 
    2021
    Niver a bajennoù: 
    32
    Ment: 
    25 x 23,2 cm
    Skignet gant: 
    Kuzul ar Brezhoneg
    Troet gant: 
    Yezh(où) ar produ: 
    12,00 €
Subscribe to Nevezentioù