Breizh, karregadoù ha maenadoù kaer

N’oa ket bet embannet betek-henn levr hollek ebet diwar-benn maenoniezh Breizh hag e brezhoneg nebeutoc’h c’hoazh... Dont a ra eta al levr-mañ da stakañ an toull. Da ziazez dezhañ ez eus labourioù skol-veur hag ivez kartennaouegoù departamantoù Breizh savet gant ar BRGM (Bureau de Recherches Géologiques et Minières – Burev an Enklaskoù Douarouriezh ha Mengleuzierezh).El lodenn gentañ e ra anv Joël Rolet eus douarouriezh torosad Arvorig hag e tispleg penaos e stummas ar gweleadoù heverkañ.En eil lodenn ez eo tro Yann Lukas da zeskrivañ maenadoù ha karregadoù, o reiñ da c’houzout pelec’h e c’haller o c’havout. Pep pennad savet gantañ zo skeudennaouet gant ul luc’hskeudenn liv eus ur standilhon skouer.