Skoulmoù ar yezh

« E pep frazenn, e pep skrid, e pep lavar,

bemdez,

hep gouzout dit,

e stagez war-gil ar ger diwezhañ gant an hini kentañ,

e skoulmez dibenn ha penn-kentañ da vuhez,

ar marv hag ar vuhez – orin

e veskez

c’hwezadennoù an dremenvan

hag huanadennoù an orged. »

Ur veaj e kalonenn ar vuhez eo Skoulmoù ar yezh. Ar vuhez komzet, hiboudet, dibunet, adalek prantad kentañ ar vuhez, a-raok genel zoken, betek ar marv. Peseurt pouez gant ar yezh er veaj-se? Peseurt levezon o devo ar gerioù kentañ klevet gant ur bugel digant e dad pe e vamm? Ur sellad lemm ha fur war hor prantadig buhez war an Douar eo hini ar barzh, gant e lod a blijadurioù, a drubuilhoù, a wallhunvreoù rak gwall vresk eo Mab-den, hag eñ lusket gant nerzh ar vuhez ha lanv ar marv.