Atlas ar bedoù faltaziet
search
  • Atlas ar bedoù faltaziet

Atlas ar bedoù faltaziet

29,00 €
Aucune taxe

An Atlas-mañ a zo unan dibar anezhañ. Strollet o deus Kristian Goindin ha Jerom Olivry oberennoù heverkañ ar fantazi gouronel evit kinnig kartennoù ar bedoù faltaziet gant anvioù brudetañ al lennegezh-se : Tolkien, Le Guin, Pratchett, hag un toullad reoù all a vez (ad) dizoloet dre selloù an aozerien.
Heuliañ a reer emdroadur ar rann lennegel-mañ, tost-tre ouzh sevenadur Breizh a-benn ar fin. Rak rekipe al levrioù-se a zo anavezet deomp : ur c’hest, un haroz hag e strollad, ur bed pe ur sevenadur da saveteiñ, kemmesket gant istorioù karantez. Pa lenner seurt romantoù n’emañ ket gwall bell ar Roue Arzhur hag e vignoned eus an Daol-Grenn.
Chomet eo disprizet ar fantazi gouronel koulskoude. Levrioù evit krennarded, un islennegezh ha n’eo ket gwall sirius... ha padal ! Ma c’hallfe bezañ gwir a-walc’h an arguzennoù-se pa zo kaoz eus ar skridoù kentañ, buan e oa bet cheñchet penn d’ar vazh.
Splujit er bedoù faltaziet-se a-drugarez da gartennoù ha livadurioù Kristian Goindin. N’eo ket nevez e zedenn evit ar fantazi hag ouzhpennet zo bet tresadennoù ha livadurioù a oa bet awenet gant e lennadennoù. Ur gwir blijadur evit an daoulagad.

9782736801793

Fiche technique

Skrivagnerien
Jerom Olivry
Kristian Goindin
Skeudennaouerien
Kristian Goindin
Tiez-embann
Al Liamm
Pajennoù
56
Deiziad embann
2024
Yezhoù
Breton
Skignet gant
Coop Breizh

Références spécifiques

EAN-13
9782736801793