Actes du colloque de Yakoutsk, 16-19 octobre 2012, tome 1

Savet eo bet al levr-mañ diwar al labourioù kinniget e-kerzh kollok etrebroadel Yakoutsk, dalc’het etre ar 16 hag an 19 a viz Here 2012 e Skol-Veur kevreadel ar biz Ammosov, Republik Sac’ha e Kevread Rusia, gant Ensavadur ar Yezhoù Estren ha Studioù ar Rannvroioù eus SVKB, hag izili Kreizenn an Enklaskoù Breizhek ha Keltiek eus Skol-Veur Roazhon 2, e framm an trede emgavioù skol-veur evit ar c’henlabour etre Frañs ha Rusia.

Gant ar c’hollok-se ez eus bet bodet perzhidi eus ar bed a-bezh evit eskemm diwar-benn ar pezh a denn d’ar yezhoù ha d’ar sevenadurioù minorel pe minorelaet p’emañ ar bedelaat war ober, ha keñveriañ o labourioù hag o anaoudegezhioù en-dro d’ar c’hudennoù nevez a sav diwar ar bedeladur-se evit ar pobloù hag ar sevenadurioù minorel pe minorelaet. Al lennerien a c’hallo gwelet, bep ma’z aint gant ar pennadoù, penaos e c’hall sevenadurioù ha yezhoù ar pobloù-se reziliañsiñ, pa c’hallont bezañ un benveg eus ar c’hentañ renk evit ar pobladoù evit en em ober diouzh ar bed nevez, met ivez bezañ ar respont d’an unvaniñ drastus ha goullo.