Ul lec'h a-bouez zo gant an troidigezhioù en hon yezh hag en hon lennegezh. El levr-mañ e studi Anna Mouradova ar c'hudennoù liesseurt stag ouzh an treiñ, o kemer skridoù rusianek bet lakaet e brezhoneg da ziazez.

Ganet eo bet Anna Mouradova e Moskva e 1972. Goude bezañ graet studioù e Skol-Veur Roazhon 2 ez eo distroet d'he bro, m'emañ o kelenn brezhoneg ha galleg. Troerez eo-hi ivez (daou dorkad danevelloù he deus embannet) ha skrivagnerez en hon yezh.