E Dakar emaomp, un nebeud bloavezhioù goude dizalc’hidigezh broioù trevadennet Afrika. Dieng en deus resevet un urzh-paeañ digant un niz dezhañ o labourat e Pariz. Ur misi dic’hortoz eo evit an den reizh-mañ, a boagn kalet bemdez evit magañ e familh. Pa glask avat kaout arc’hant an urzh-paeañ ez eus peadra da vont en dizesper, kement a skoilhoù a gav war e hent.

Ousmane Sembène a ro ur skeudenn eus e vro, hag e tiskuilh gant komzoù dibrenn stad reuzeudik ur gevredigezh re vec’hiet gant an dilabour, an dienez hag ar gaou.

Ur romant afrikan engouestlet eo An urzh-paeañ, skrivet en ur yezh saourus, pinvidikaet gant stummoù ha gerioù tennet eus ar wolof.