Yann Meur a ginnig deomp ur bourmenadenn e-barzh bed ur soner yaouank eus ar bloavezhioù dek ha tri-ugent. En eñvorennoù-se ez eus from, fent ha peadra da c’hoarzhin. Ar skrid a ro deomp ivez danvez preder war plas ar sonerien er gevredigezh, tonkad hag emdroadur hor c’hevredigezh, adperc’hennidigezh hec’h hengoun. Diskouez a ra penaos e tremen an den eus amzer ar vezh da azginivelezh e sevenadur.