Hag a-nevez gant ar c’hlaskerezh?

Labour selaou (ha plijadur!) en devez an neb a gar dont da Roazhon da zervezhioù studi ar strollad Brezhoneg ha Keltieg ha sed amañ un dastumad pennadoù savet diwar ar prezegennoù bet displeget abaoe tri bloaz.

Lenn a c’hellot preder ur rummad klaskerezed ha klaskerien yaouank diwar-benn lennegezh, yezhoniezh, pedagogiezh… ar brezhoneg hag ur brederiadenn bennak all bet aozet gant klaskerien deuet eus a lec’h all.

Kement studier, klasker, brezhoneger a gavo danvez en eurioù-mañ ha c’hoant kemeret perzh e labour ar strollad marteze a-walc’h.

Taolenn:

Meven ar C’hoadig, Orin an enklotennoù

Tristan Loarer, Al Liamm 1954 : ur sell a-dost divoutin war Israel

Oréa Coatanlem, La représentation des tailleurs dans la littérature populaire bretonne

Anton Châtelier, Anvioù-lec’h-mor Edig

Ariane Guguen, Dielfennañ ur c’horpus dezrevelladoù

Denez Pichon, Levezon an identelezh hag ur yezh vinorel war strategiezh an embregerezhioù : etre gounid ha fouge ?

Pêr Morvan, Ur studi diwar-benn arc’hweladurioù an difazierioù

Stéphanie Le Pelleter, Ar magourioù brezhonek o tont war-wel e dazont ar yezh : ul liamm nevez etre ar yezh kaset hag ar yezh desket ?