Er rummad-mañ e kaver danvez hag a oa diaes da gaout evit al lennerien a-vremañ, strewet ma oant amañ-ahont, ha koulskoude danvez a-bouez enno koulz e-keñver lennegezh, soñjoù ha boued spered hag ivez un tañva eus ar brezhoneg lakaet da dalvezout evit un dachenn nebeut pleustret, ar c'hazetennerezh. Ezhomm ebet da lavaret e teu brav an traoù gant Youenn Drezen, unan eus hor bevañ skrivagnerien. Liesseurt eo ar pennadoù. Da notenniñ en eil levrenn e bezhioù barzhoniezh brudet met digavadus evel "Kanenn da Gornog" pe "Nozvezh Arkuz".