David ’zo ur paotrig eus Galiza. E vreur bras en deus kavet ur gazhez vihan. Magañ a reont anezhi, kreskiñ a ra. Un deiz he deus bet kizhier bihan, met en deiz war-lerc’h, kazh ebet ken. Den ne oar pelec’h emaint, na petra int deuet da vezañ. Setu ur c’hevrin, ur gwall gevrin. Gant e vignonez Branca emañ David o vont da glask diskuliañ an afer-se.

Fina Casalderrey zo ur skrivagnerez a orin eus Galiza. Gant ar romant-mañ, troet e meur a yezh, he deus bet priz O Barco de Vapor e Galiza e 1994, ha Priz Broadel al Lennegezh Bugale e Spagn e 1996.
Tresadennoù gant Maël Verot. Adalek 9 bloaz.